NBA, Harden mban ende në lojë Houston Rockets

Houston Rockets mbajnë të gjallë finalen e Konferencës së Perëndimit duke anuluar match pointin e parë për Golden State në ndeshjen e katërt pasi e mbyllën sfidën 128-115 me 45 pikë personale të James Harden.

Një ndeshje që mund të kishte shkuar më keq për skuadrën nga Kalifornia pasi ylli i ekipit nikoqir, Stephen Curry përplasi kokën në parket gjatë periodës së dytë duke braktisur sfidën por sipas raportimeve, gjendja e tij shëndetësore nuk është shqetësuese.  

Curry u kthye në lojë pas rreth një ore por llogaritë e sfidës ishin mbyllur dhe për Luftëtarët koha kishte kaluar me shpejtësi.

Në minutat e fundit, 5 pikët e Harden evituan surprizat. Një ndeshje manuali për Houston që do të kërkojë një tjetër mundësi në “Oracle Arena” për të shpresuar te finalja e madhe e NBA edhe pse në shtëpinë e tyre Golden State kanë treguar se janë një skuadër pa rivalë.