Autobusët privatë rikthehen në qytet

 

“Po presim, ja sa arritëm këtu. Duhet të ketë më shumë atubusë.”, - tha një qytetare.

 

“Po, ka autobusë tani me rregull.”, - tha një qytetare tjetër.

 

“Duhet të rregullohet, të ketë autoritet e të përmirësohet transporti publik. Do të shohim se çfarë do të ndodhë më tej.”, - u shpreh një qytetar.

 

 

Kjo zgjidhje është ad-hok. Nga Qyteti i Shkupit paralajmërojnë zgjidhje afatgjate të qëndrueshme për transportin publik. 

 

“Qytetarët do të dinë se kur do të vijë autobusi dhe për sa kohë do t’i dërgojë në stacionin e radhës. Do të jetë ekologjik dhe i shpejtë, ashtu që në fazën e ardhshme do të vendosim linja të reja të autobusëve, do të kyqemi në programin e “BRT2.0”, që do të jetë projekt i reviduar për përmirësimin dhe kyqjen edhe të atyre linjave në qytet dhe në mënyrë plotësuese presim ndihmë dhe nga Qeveria, e cila na ka premtuar se do të na ndihmojë me 80 autobusë të rinj ekologjik në vitin 2026. Nuk duhet që në linjat ekzistuese vetëm të rrisim numrin e autobusëve, por duhet në lagjet e reja të cilat u formuan në qytet, në bulevardet e reja që po formohen, të lëshojmë linja të reja, të cilat qytetarëve do t’u shërbejë për punën e përditshme.”, - deklaroi kryetari i Këshillit të Qytetit të Shkupit, Dame Dimitrovski.

 

Përndryshe, ditë më parë kryetari i ri i Shkupit, Orce Gjorgjievski, në një konferencë për shtyp së bashku me transportuesit privatë, tha se përveç atyre ekzistuesve, do të përfshihen edhe autobusë të rinj të cilëve u janë dhënë licenca për të kompensuar mungesën e automjeteve në transportin publik. Gjorgjievski tha se deri në mars të vitit të ardhshëm, në bashkëpunim me Qeverinë dhe Ministrinë e Transportit, do të sigurohen edhe 80 autobusë të rinj.