Hoxha realizon dopietë golash, 3 asiste nga Mehmeti

Arbër Hoxha dhe Anis Mehmeti po kalojnë një moment shumë të rëndësishëm në karrierë, teksa sot ishin protagonistë në ndeshjet me skuadrat e tyre.  

Hoxha ishte vendimtar për Dinamo Zagreb në fitoren 3:1 ndaj Varazdinit, duke shënuar dy gola dhe duke e çuar në pesë numrin e realizimeve të tij këtë sezoni në kampionatin kroat.

Ai ka kontribuar gjithashtu me dy asiste në 13 ndeshje. Sulmuesi ishte pjesë e formacionit titullar të Shqipërisë në duelet kualifikuese me Anglinë dhe Andorrën.

Edhe Anis Mehmeti spikati në Angli, më saktësisht në Championship, duke bërë tre asistime në fitoren 3-0 të Bristol City ndaj Sëansea.

Ai u vlerësua me notën 9.9 dhe u shpall lojtari i ndeshjes.

Mehmeti ka pesë gola dhe gjashtë asiste këtë sezon, megjithëse nuk është grumbulluar prej kohësh në Kombëtaren shqiptare.