117 vjet nga Kongresi i Manastirit, sot përkujtohet Dita e Alfabetit të gjuhës shqipe

 

 

“Sot filluam me aktivitete të ndryshme duke filluar me një tribunë shkencore të cilën e kishim këtu bashkë me Institutin për Trashëgimi Shpirtërore dhe Kulturore, me Ambasadën e Republikës së Shqipërisë, si dhe vazhduan vizitat e shumta në muze”, u shpreh drejtori i muzeut të alfabetit, Noer Arsllani.

 

“Shfytëzoj rastin të uroj festat e nëntorit, duke filluar me 22 nëntorin që është vlerë shqipëtare kumbëtare e Maqedonisë, pra teritorialisht është këtu. Sot ka edhe më tepër vlerë, për shkak se është edhe kryeministri i Republikës së Kosovës bashkë me Ministrin e Punëve të Jashtme, është djali i Adem Jasharit, janë edhe arbëreshët nga Sicilia. Pra gjithe shqipëtarët, pike-bashkimin e kanë Manastirin”, theksoi kryetari i komuës së Çairit, Izet Mexhiti.

 

“Bashkë na bën gjuha- si fakt i natyrshëm, politikisht -na bën shkrimi i njehësuar i saj. Prandaj kujtojmë çdo vit 22 nëntorin si Dita e Alfabetit. Prandaj Manastiri i bashkangjitet Prizrenit dhe Vlorës si vendndodhje të rëndësishme të historisë sonë. Pëkrujtimi brenda javës edhe i Kongresit të Manastirit, edhe i Kuvendit të Vlorës lidh bashkë gjuhën e kulturën me idenë e lirisë dhe të vetëvendosjes”, u shpreh kryeministri i Kosovës, Albin Kurti.

 

“Sot kur bota po funksionon ne masë të madhe me rrjete sociale dhe gjuhët e huaja, që po ashtu janë të domosdoshme, detyra jonë është të mose e harojmë Manastirin, sepse nëse harojmë alfabetin- harojmë veten. Prandaj le ta kremtojmë këtë ditë jo vetëm me fjalë, por me vepra”, theksoi djali i Adem Jasharit, Lulzim Jashari.

 

“22 nëntori realiasht është kthesa e identitetit tonë kombëtar, për arsye se gjuha shqipe është pjesë esenciale e identitetit tonë kombëtar shqiptar, kështu që vec faktit që këtu kemi prezencën e shtetit të Kosovës përmes përfaqësuesve të saj që ndodhen sot këtu, tregon se sa e rëndësishme për ne është gjuha shqipe”, u shpreh ambasadori i Kosovës në RMV-së, Florian Qehaja.

 

“Dita e alfabetit e ka rëndësinë jashtëzakonisht shumë të madhe, sepse nga shkronjat tona ne kemi arritur të mësojmë, të ruajmë kulturën dhe identitetin dhe nga gjuha shqipe jemi k’ta që jemi sot”, theksoi kryetarja e komunës së Preshevës, Ardita Sinani.

 

Kremtimi i kësaj dite i kujton të gjithëve, se një komb i bashkuar është më i fortë dhe më i fuqishëm dhe se gjuha shqipe është një aset i paçmuar i identitetit dhe kulturës sonë.