Krime, zbulim i një anije nga periudha bizantine

Udhëheqësi i ekspeditës ka thënë në një deklaratë të publikuar më 27 maj se mbetjet janë zbuluar në afërsi të Sevastopolit në Krime.

 

Krimeja është gadishull në Ukrainë, të cilën Rusia e ka aneksuar në mars të vitit 2014.

 

Deklarata e shefit të zhytësve rusë, Roman Dunayev, dhe historianit nga Akademia ruse e Shkencave, Viktor Lebendisky, thotë se “studimet e mëtejme mbi anijen do të ndihmojnë të konfirmohet veçantia e lidhjeve tregtare, ekonomike dhe kulturore ndërmjet vendeve të Detit të Zi”.

 

Hulumtuesit thonë se duhet të saktësojnë datën e artefakteve dhe të realizojnë edhe zhytje të tjera për qëllime hulumtimi muajin e ardhshëm.

 

Pamjet e shfaqura në televizionin shtetëror nga një zhytje e mëhershme në muajin maj tregonin disa ampfora të mbledhura – vazo me dy mbajtëse anash. 

 

Rajoni bregdetar i Krimesë njihet si vend i banuar nga grekët në kohën e Perandorisë Bizantine dhe Sevastopoli thuhet të ketë qenë një nga rrugët kryesore për tregti.