“NBA CUP 2025”, Lejkersat fituan derbin me Dallasin

Në kryendeshjen e mbrëmjes L.A Lakers me 129-119 e mundi Dallas Mavericks dhe kështu pa humbje u kualifikuan në ¼ e finales së kupës së NBA-së. Austin Reaves  shënoi 38 pikë, ndërsa Luka Donçiç me dabëll –dabëll, 35 pikë e 11 asistime e përfundoi takimin. Në çerekfinale ekipin nga Kalifornia e presin teksanët e San Antonio-s, të cilët mundën Denver-in.

Pas një loje mjaft interesante  me Phoenix Suns, mbajtësit e titulllit të kampionit Oklahoma City, iu gëzua fitores me 123-119 edhe atë falë Shai Gilgeous-Alexander, që ndeshjen e përfundoi me 37 pikë, prej të cilave 15 i shënoi në çerekun e fundit.

Këta tani kanë përpjestimin sezonal 19 fitore e 1 humbje. Oklahoma garat në grupin e tyre i përfundoi para Phoenix Suns, të cilët më  tej kalojnë me ftesë nga Konferenca e Perëndimit dhe sërish në çerekfinale do të përballen me OKC-në.

Orlando Magic shënuan një fitore të madhe ndaj Detroit Pistons, duke siguruar një vend në mesin e 8 më të mirave, ashtu sikurse San Antonio Spurs, të cilët e mundën Denverin.

Sa i përket Konferencës së Lindjes, Knicks mposhtën Milwaukee-n dhe kaluan në çerekfinale ku i pret Toronto. Të gjitha ndeshjet e kupës së NBA-së, përpos ajo e finales, llogariten për pjesën e rregullt të kampionatit. Turneu përfundimtar (Final Four) nga 13-16 dhjetor do të luhet në Las Vegas.

Dyshet e ¼ së finales  NBA Cup:

Orlando Magic - Miami Heata

Toronto Raptors - New York Knicks

Oklahoma City Thunder -Phoenix Suns

Los Angeles Lakers - San Antonio Spurs