Kryqi i Kuq i dhuroi plaketë jubilare Universitetit “Nënë Tereza”

 

“Sot jemi këtu, bashkë me sekretarin gjeneral të Kryqit të Kuq, kemi dy evenimente. Evenimenti i parë është që Universitetit “Nënë Tereza” i jepet plaketë jubilare nga ana e Kryqit të Kuq  dhe është një çmim mjaft prestigjioz. Me këtë universiteti ynë ndjehet mjaft i nderuar dhe pas asaj është një panel diskutimi, i cili do të diskutohet për çështje të ndryshme dhe për mundësitë e bashkëpunimit me Kryqin e Kuq për çështje të ndryshme.”, - deklaroi rektori i Universitetit “Nënë Tereza”, Bekim Fetaji.

 

“Organizata e Kryqit të Kuq ka ambicie që t’i përshtatet ambientit momental, udhëheqësve momentalë dhe ambiciet tona janë që shkenca sa është e mundur të futet në atë që nënkupton në aktivitetet tona, verifikimin e tyre, praktikat tona të marrin një verifikim shkencor dhe në atë mënyrë t’i përcjellim si mësime të cilat në të ardhmen do të kontribuojnë në zhvillimin e mëtutjeshëm të organizatës sonë dhe zgjerimin e organizatës sonë si organizatë.”, - theksoi sekretari gjeneral në Kryqin e Kuq të RMV-së, Sait Saiti.

 

Me këtë rast u zhvillua edhe panel diskutimi për promovimin e platformës së re për bashkëpunim ndërmjet Kryqit të Kuq dhe komunitetit universitar, me temë: “Përvojat dhe praktikat e mira si bazë për zhvillimin e strategjive të reja humanitare”.