Federika Mogerini u lirua pas mesnate

Dy të ndaluarit e tjerë, Stefano Sanino dhe Cesare Zegreti, u liruan gjithashtu nga Policia Federale Gjyqësore Belge. Sipas gjyqtarëve, të tre individët u morën në pyetje dhe u informuan për akuzat zyrtare, të cilat lidhen me mashtrim dhe korrupsion në prokurim, konflikt interesi, shkelje të sekretit profesional. Ata u liruan pasi nuk konsideroheshin të rrezikshëm për arratisje, duke vazhduar hetimet nën masat ligjore të përcaktuara nga autoritetet belge.

 

Hetimi ka të bëjë me transaksione dhe prokurime brenda Shërbimit Evropian të Veprimit të Jashtëm dhe Kolegjin e Evropës, duke ndezur interes të madh publik në lidhje me menaxhimin e fondeve dhe praktikave administrative të institucioneve evropiane.