Shënohet Dita Botërore e Vullnetarizmit, në vend ka rreth 5 mijë vullnetarë, kërkohet ligj i ri

Kur Koçani po kalonte momentet më të vështira të aksidentit, vullnetarët e Kryqit të Kuq ishin këtu, të vendosur kudo në qytet, duke ofruar ndihmë dhe mbështetje për viktimat. Кuvendi ndau certifikata mirënjohjeje familjeve, përfshirë Aleksandrën, e cila u prek personalisht nga tragjedia.

“U vendosën kudo në institucionet shëndetësore dhe kudo në qytet, thjesht kudo që u shfaqa në qytet. Ata ishin kudo që i pashë dhe në momentet më të vështira kur isha atje, vullnetarët ishin të pranishëm.”, - deklaroi vullnetarja e Kryqit të Kuq – Koçan, Aleksandra Sokolova.

“Ata janë forca lëvizëse e organizatës sonë dhe janë ata që lëvizin gjërat në shoqëri, janë heronj, janë një shembull i vërtetë në komunitet dhe secili prej nesh duhet të ndjekë hapat e tyre.”, - theksoi vullnetar i Kryqit të Kuq – Koçan, Ile Marteniçarski.

Në mëngjes, rreth njëzet deputetë dhe vullnetarë dolën në terren. Disa shpërndanë ndihma humanitare, të tjerë vizituan persona të pastrehë dhe qendra për persona me nevoja të veçanta, si dhe ofruan mbështetje për të moshuarit.

“Përmes aktiviteteve për të mbështetur të moshuarit dhe personat e dobët, ndihmës për kategoritë e cenueshme si të pastrehët dhe personat me aftësi të kufizuara, si dhe përmes pjesëmarrjes në nisma humanitare, ne dërgojmë një mesazh se vullnetarizmi është një nder dhe një privilegj. Edhe këtë vit, Qyteti i Shkupit qëndron krah për krah me vullnetarët si mbështetës, aleat dhe pjesëmarrës aktiv në krijimin e një shoqërie më të përgjegjshme, më humane dhe më solidare.”, - deklaroi kryetari i Qytetit të Shkupit, Orce Gjorgjievski.

Në Parlament u nënshkrua një deklaratë mbi vullnetarizmin.

“Sot po fillojmë me nënshkrimin e deklaratës parlamentare në mbështetje të vullnetarizmit, nënshkrimin e deklaratave lokale në komuna nga kryetarët e komunave dhe këshillat dhe sigurisht që do të ketë një kartë civile të ngjashme që do të shkojë në faqen e Kryqit të Kuq që çdo qytetar mund ta nënshkruajë gjatë vitit 2026 në aspektin e mbështetjes.”, - theksoi sekretari i Kryqit të Kuq, Sait Saiti.

“Së bashku me të gjithë deputetët nga të gjitha partitë politike, të gjithë ata që duan të marrin pjesë patën mundësinë të ndaheshin në disa grupe dhe ne si deputetë morëm pjesë aktive në vullnetarizëm.”, - u shpreh kryetari i Kuvendit të RMV-së, Afrim Gashi.

Në vend ka rreth 5 mijë vullnetarë. (Fitore Demolli, TVM2)