LSDM publikon “bombë” të re: 5.3 milionë euro për kompaninë e Ivica Tomovskit

 

"Nga institucionet shtetërore dhe komunat, të udhëhequra nga DPMNE, kompania familjare e Tomovskit, e cila ka ndryshuar emrin, mori një shumë të pabesueshme prej 5 milionë e 360 mijë eurosh ose gjithsej 161 tendera. Kjo është pothuajse 5.5 milionë euro. Para të  qytetarëve. Kompania e familjes Tomovski e rriti aktivitetin e saj të biznesit me 306%. Dhe kjo vetëm në vitin 2024. Në vitin 2025 aktual, e njëjta kompani ka marrë tashmë 10 tendera të rinj me vlerë gati gjysmë milioni euro”, u shpreh Aleksandar Sasha Dimitrijevic nga LSDM. 

 

 

Tomovski, hodhi poashte akuzat e LSDM-së, duke pretenduar se nuk janë të vërteta.

 

“E vërteta rreth rastit është si më poshtë. Kompania e treguar nuk është e imja, as nuk kam ndonjë pjesë në të. Aktualisht nuk kam asnjë kompani private dhe jam i përqendruar vetëm në punën time si drejtor i Shërbimit për Çështje të Përgjithshme dhe të Përbashkëta. Kam punuar me ndershmëri, përgjegjësi dhe përkushtim gjithë jetën time, dhe do të vazhdoj ta bëj këtë”, theksoi drejtori i shërbimit për çështje të përgjithshme dhe të përbashkëta Ivica Tomovski.

 

Publikimet e LSDM-së, për VMRO-DPMNE-në janë gënjeshtra. Sipas tyre para se LSDM të përhapë manipulime, është më mirë që të kontrollojë informacionin e vet dhe pronarët e kompanisë së treguar.

 

“Nëse LSD kërkon korrupsion dhe krim, le të kontrollojë edhe spitalin modular, Soravian, plantacionet e marijuanës, blerjet e vaksinave të Filipçes, termocentralet fotovoltaike të vëllait të tij dhe Vices në Dojran, Audi Q8 e Filipçes, të blerë nga kompania që ia shiti qymyrin ESM-së tre herë më shtrenjtë, etj”, thuhet në komunikatën e VMRO-DPMNE-së.

 

Nga LSDM-ja kanë paralajmëruar se do të publikojnë edhe dosje të tjera, të cilat janë tronditëse për opinionin.