Sulme të ashpra në Ukrainë, vazhdojnë përpjekjet diplomatike për negociata paqësore

 

“U zgjova nga zëri i dronëve që fluturonin mbi konvikt. Pas goditjes, u ndërpre energjia elektrike dhe ngrohja, pastaj edhe uji. Zbritëm në katin e parë dhe qëndruam atje deri në orën 3 të mëngjesit, pastaj u kthyem lart. Por shpërthimet nuk ndaluan, vazhduan deri në orën 5 të mëngjesit”, u shpreh një grua e zhvendosur.

 

“Qëndronim në korridor, ishte errësirë totale. Gratë e moshuara nuk mund të dilnin, kështu që të gjithë qëndruam në korridor. Në fillim shpërthimet ishin më të buta, pastaj u bënë më të forta dhe më të forta. Imagjinoni çfarë paniku ishte”, theksoi banroja e Kremenchukut.

 

Ndërkohë, Rusia ka përshëndetur Strategjinë e re Kombëtare të Sigurisë së SHBA-së si një hap pozitiv për marrëdhëniet dypalëshe. Strategjia thekson se përfundimi i armiqësive është i nevojshëm për stabilizimin e ekonomive evropiane, parandalimin e eskalimeve të padëshiruara ose zgjerimit të luftës, dhe fton për stabilitet strategjik me Moskën.

 

“Rishikimi i administratës së Trumpit, e cila nuk e përmend më Rusinë si një kërcënim të drejtpërdrejtë, është një hap pozitiv. Moska do të analizojë me kujdes strategjinë e përditësuar, e cila ndryshon ndjeshëm nga qasjet amerikane të mëparshme ndaj Rusisë”, u shpreh zëdhënësi i Kremlinit, Dmitri Peskov.

 

Rusia ka njoftuar se kishte shkatërruar 77 dronë ukrainas në disa lokacione gjatë natës së kaluar. Disa prej tyre u shkatërruan në rajonin e Saratovit, ndërsa të tjerët në rajonin e Rostovit.