Osmani pret Begajn, Kosova dhe Shqipëria pranë njëra-tjetrës

 

“Në një takim të ngrohtë të fundvitit, sot pata kënaqësinë ta pres presidentin e Shqipërisë, Bajram Begaj, me të cilin biseduam për bashkëpunimin tonë të pandalshëm dhe nevojën që Kosova dhe Shqipëria të jenë gjithmonë pranë njëra-tjetrës.”, ka shkruar Osmani.

 

Ajo ka shtuar se në prag të festave të fundvitit ka përcjellë urimet më të përzemërta për presidentin Begaj, duke shprehur dëshirën që viti i ardhshëm të sjellë më shumë afërsi, bashkëpunim dhe hapa të suksesshëm drejt integrimit evropian për të dy vendet.