Zgjedhjet lokale të 11 janarit, Nevzat Bejta, kandidat i VLEN-it për Gostivarin

 

“Qytetarët kanë vlerësuar përvojën e tij, projektet e realizuara dhe ndikimin pozitiv që ka pasur gjatë mandateve të mëhershme në krye të komunës. VLEN beson se Nevzat Bejta përfaqëson stabilitet, profesionalizëm dhe vizion për vazhdimin e zhvillimit të Gostivarit.”, thuhet në njoftimin e koalicionit VLEN.

 

Bejta bëhet kandidati i dytë zyrtar pas kandidatit opozitar shqiptar,  Valbon Limanit, i cili ditë më parë dorëzoi kandidaturën e tij deri në Komisionin Komunal Zgjedhor. Zgjedhjet e 11 janarit mbahen edhe në komunat Vrapçisht, Mavrovë – Rostushë dhe Qendër Zhupë. 

 

Në Vrapçisht pritet që gara të zhvillohet midis kandidatit të AKI-së, Isen Shabani, dhe kundërkandidatin e tij nga VLEN, Mehmet Seferi.

 

Në Mavrovë-Rostushë përballen kandidati i VMRO-DPDMNE-së dhe i LSDM-së, ndërkaq në Qendër Zhupë gara zhvillohet midis partive turke.

 

Në këto komuna më 19 tetor nuk u arrit censusi i nevojshëm prej të paktën 1/3 së votuesve të komunës përkatëse. Fushata zgjedhore do të nisë më 22 dhjetor dhe do të zgjasë deri më 9 janar.