Raporti për zgjedhjet lokale 2025, Civil: Zgjedhje të qeta, me mangësi sistematike

 

 

“Së pari kemi një numër të madh raportesh që kanë të bëjnë me dobësitë e listës zgjedhore. Të paktën dy situata të përsëritura shpesh ishin persona të vdekur në listën zgjedhore, por kishte edhe votues që mungonin në listën zgjedhore; mangësi teknike me identifikimin biometrik; pati edhe shkelje të fshehtësisë së votimit; punë jokonsistente dhe joprofesionale nga një pjesë e këshillave zgjedhorë, si dhe pengesa dhe kërcënime ndaj vëzhguesve dhe mediave.”, - deklaroi Xhabir Deralla nga OJQ Civil.

 

Derrala, duke i përmendur disa nga rekomandimet që ka nënvizuar raporti, tha se demokracia mund të mbijetojë vetëm atëherë kur në mënyrë aktive mbrohet.

 

“Është e nevojshme reformë serioze dhe gjithëpërfshirëse e Kodit Zgjedhor, gjegjësisht rregullativa zgjedhore. Përfaqësues profesionalë dhe të përgjegjshëm në administratën zgjedhore, profesionalizimi dhe imponimi i përgjegjësisë, përkatësisht marrja e përgjegjësisë, janë imperativ për të pasur zgjedhje më cilësore. Një listë zgjedhore kredibile, seriozisht e verifikuar dhe e pastruar, si dhe zbatimi efektiv i të gjitha rregullave zgjedhore, që do të thotë respektim efektiv i ligjit, përfshirë edhe heshtjen zgjedhore. Mbrojtje e plotë e vëzhguesve qytetarë, si dhe e mediave gjatë procesit zgjedhor dhe detyrimi ligjor për qasje në vendvotime duhet të respektohen; përndryshe bëhet fjalë për diskriminim sistematik.”, - theksoi Xhabir Deralla nga OJQ Civil.

 

Në këtë raport janë monitoruar institucionet, mediat, qasja në vendvotime, presionet, dezinformatat, ndërsa u zbatua edhe monitoring në periudhën paszgjedhore. Civil në mbarë territorin ka pasur të akredituar 60 vëzhgues.