Digjitalizimi, shërbime për qytetarët përmes mjeteve digjitale

 

“Tani jemi duke u përfshirë drejtpërdrejt në punën që lidhet me Ligjin për Mbrojtjen e Konsumatorëve, konkretisht me krijimin e një formulari digjital për ankesat e konsumatorëve. Qytetarët kanë mundësi t’i paguajnë shërbimet në mënyrë elektronike, por nuk kanë mundësi të paraqesin ankesë, nëse nuk janë të kënaqur me shërbimin e ofruar nga ndërmarrjet publike komunale.”, - deklaroi Tatjana Tasevska nga Organizata e Konsumatorëve.

 

“Përmes këtij procesi kemi mobilizuar të gjitha palët e interesuara në publik, me theks të veçantë te përfshirja e të rinjve, në procesin e përcaktimit të prioriteteve të OSBE-së, të cilat në praktikë Komuna e Koçanit duhet t’i planifikojë dhe t’i avancojë në kuadër të planifikimit të saj strategjik.”, - theksoi Aleksandar Jovanovski nga Qendra për Inovacione Sociale Blink 42-21.

 

Sipas ministrit për Transformim Digjital është e domosdoshme përditësimi i vazhdueshëm i uebfaqeve të komunave, sepse nëse një faqe interneti nuk përditësohet rregullisht, puna nuk mund të konsiderohet e përfunduar plotësisht dhe procesi i digjitalizimit nuk është i kompletuar.

 

“Nëse para themelimit të Ministrisë për Transformim Digjital vetëm rreth 20 institucione përdornin sistemin e menaxhimit të dokumenteve, sot mbi 40 institucione e shfrytëzojnë sistemin kombëtar, ndërsa dhjetëra komuna të reja janë bashkuar në këtë proces, gjë që përbën një zhvillim të jashtëzakonshëm. Njëkohësisht, platforma e interoperabilitetit po shënon rezultate të dukshme.”, - u shpreh ministri i Tranformimit Digjital, Stefan Andonovski.

 

Këto të dhëna janë dëshmi se ndërlidhja e institucioneve sjell rezultate konkrete. Në këto projekte janë përfshirë edhe mijëra qytetarë, me qëllim krijimin e një administrate lokale më moderne, më efikase dhe më të qasshme për të gjithë.