Rezoluta kundër migrantëve, Kuvendi miraton rezolutën e shumicës

 

“Kjo rezolutë ka rol të qartë parandalues, që dërgon porosinë se çështjet që kanë të bëjnë me sigurinë, migracionin dhe qetësinë publike, nuk guxojnë të jenë lëndë e gënjeshtrave dhe konstruksioneve politike. Në një shoqëri sikurse e jona, multietnike, përhapja e papërgjegjshme e frikës, mund të ketë pasoja serioze ndaj stabilitetit, tolerancës dhe bashkëjetesës midis qytetarëve .”, - deklaroi deputeti i VMRO – DPMNE-së, Nikolla Micevski. 

 

“Nuk do të lejoj që çështjet e ndjeshme të keqpërdoren për interesa të ulta partiake dhe klanore. Kjo është politikë dhe qasje e papërgjegjshme e një pjese të opozitës .”, - u shpreh deputeti i VLEN-it, Bekim Qoku.

 

Deputetët e opozitës shqiptare thanë se rezoluta është jodemokratike shpie drejt diktaturës dhe heshtjes së opozitës, që ajo të mos e ngre zërin për çështjen në fjalë.

 

“Si mund ti meret e drejta opozitës për të folur, sepse e para përgjithësohet opozita. Në demokraci përgjegjësia është individuale dhe e emërtuar dhe kjo përbën një kërcënim serioz për demokracinë”, theksoi deputetja e BDI-së Rina Ajdari.

 

“Ne në fakt hypim në varkën për ta minuar, respektivisht për ta shkatëruar demokracinë, për të pamundësuar mendimin e lirë dhe për të frikësuar gjithsecilin i cili e ka guximin të shpreh mendimin e vet të lirë .”, - deklaroi deputeti i ASh-së, Halil Snopçe.

 

Procedura parlamentare kaloi në mungesë të socialdemokratëve të cilët vetë alarmuan për strehimin e migrantëve në vend. Ata kanë përpiluar rezolutë paralele, e cila zyrtarisht nuk thuhet se ka hyrë në procedurë parlamentare.