Trampi nuk heq dorë nga Grenlanda: Na duhet për sigurinë kombëtare

 

Emërimi ka shkaktuar reagime të forta në Kopenhagë, ku autoritetet daneze njoftuan se do të thërrasin ambasadorin amerikan për të kërkuar “një shpjegim”.

 

Kryeministri i Grenlandës reagoi duke theksuar se ishulli duhet të “vendosë vetë për të ardhmen e tij” dhe se “integriteti territorial i Grenlandës duhet të respektohet”. Që nga rikthimi i tij në Shtëpinë e Bardhë në janar, Trampi ka ringjallur interesin e tij të hershëm për Grenlandën, duke përmendur rëndësinë strategjike të ishullit dhe pasuritë e tij minerale. “Ne kemi nevojë për Grenlandën për sigurinë kombëtare, jo për mineralet.” tha Trampi, duke përmendur praninë e anijeve kineze dhe ruse si kërcënime të mundshme në rajon.

 

Grenlanda, me rreth 57 mijë banorë, gëzon vetëqeverisje të gjerë që nga viti 1979, ndërsa mbrojtja dhe politika e jashtme mbeten nën përgjegjësinë e Danimarkës. Megjithëse shumica e banorëve mbështesin pavarësinë e ardhshme nga Danimarka, sondazhet tregojnë kundërshtim të fortë ndaj bashkimit me Shtetet e Bashkuara.