Gostivar, hapi shtabin kandidati i VLEN-it, Nevzat Bejta

Kandidati për kryetar të Komunës së Gostivarit nga koalicioni VLEN, Nevzat Bejta, ka hapur shtabin komunal zgjedhor. Bejta tha se këtyre ditëve ka vizituar lagjet dhe fshatrat e kësaj komune dhe ka vërejtur dëshpërim të qytetarëve nga udhëheqësia e deritanishme e komunës.

“Të gjithë qytetarët janë të zhgënjyer, shumë të zhgënjyer dhe janë të mllefosur të revoltuar, edhe të gjithë më falënderojnë, thonë “Shyqyr që pranove, bre bir, u gëzuam shumë.” dhe unë ju falënderohem edhe qytetarëve, të gjithë partive politike dhe pa marr parasysh nacionalitetit edhe i falënderohem koalicionit VLEN, që më dha mbështetje që ta shpëtojmë nga ky shkatërrim dhe nga kjo vjedhje.”, - deklaroi kandidati për kryetar të Gostivarit, Nevzat Bejta.

Në hapjen e shtabit komunal në qytetin e Gostivarit ishin të pranishëm edhe përfaqësuesit e koalicionit VLEN, Adnan Azizi dhe Azir Aliu, të cilët kërkuan përkrahjen e gostivarasve për kandidatin e këtij koalicioni, Nevzat Bejta. (Gyltene Sinani, TVM2)