ASH/Sela mbledh kuvendin, Sela: diskutohet çdo ide e paraqitur në kuvend

 

 

“Natyrisht kuvendi ka të drejtën që të diskutojë për çdo temë. Çdo anëtar i kuvendit ka të drejtë që të japë propozime, ta arsyetojë propozimin që e jep, por kuvendi nga ana tjetër, ka të drejtë që ta marrë vendim. Prioritet yni është konsolidimi i partisë, prandaj shkojmë në kongres, ndërsa, temat tjera natyrisht që mund të diskutohen. Nuk di se cili do të ishte propozimi i çdo anëtari në kuvend, por në qoftë se do të fusin në rend dite ndonjë pikë të tillë, unë nuk kam zgjidhje tjetër vetëm se ta diskutojë”, deklaroi kryetari i ASh-së, Ziadin Sela.

 

Ndryshe, Kuvendi qendror i ASh-së është thirrur për të diskutuar raportin në lidhje me zgjedhjet lokale dhe për kongresin e rregullt të saj që pritet të mbahet në Prill të vititn të ardhshëm.

 

Me këtë rast, Sela fton anëtarë të rinj në subjektin që drejton ai dhe njëherësh, të jenë pjesë e konzistencës, maturisë politike dhe i një subjekti politik që përfaqëson kauzat më të mira.