Zjarri fatal në Zvicër, në kërkim edhe një shtetas nga Maqedonia

 

Rastin po e ndjek Ambasada e Maqedonisë në Bern, e cila deri më tani nuk ka asnjë informacion nga autoritetet zvicerane për ndonjë shtetas maqedonas të vdekur apo të plagosur në zjarr.

 

“Informacionet e fundit të cilat i kam marr nga institucionet kompetente janë se ka një shtetas maqedonas dhe se jemi në kontakt me autoritetet atje dhe presim më tepër detaje.”, - deklaroi zëdhënësja e Qeverisë, Maria Miteva. 

 

Ambasada e Maqedonisë është në gjendje gatishmërie dhe po i ndjek me kujdes zhvillimet në Kran-Montana. Është publikuar një numër telefoni në të cilin shtetasit e Maqedonisë mund të drejtohen për ndihmë.

 

Nga kontaktet e kryeministrit dhe shefit të diplomacisë me ambasadorin e Zvicrës është ofruar ndihmë, nëse është e nevojshme, ndërsa në Ministrinë e Shëndetësisë po shqyrtohen mundësitë dhe kapacitetet e disponueshme për kujdesin eventual mjekësor të të plagosurve nga Kran-Montana, pasi Zvicra aktivizoi mekanizmin evropian për reagim ndaj emergjencave.