Gara për Gostivarin, Bejta premton investime në shkolla dhe çerdhe

Kandidati i koalicionit VLEN për kryetar të Gostivarit,  Nevzat Bejta,  thotë se arsimi në këtë komunë duhet të jetë cilësor dhe i pavarur.

Ai njëherit premton rikonstruimin e shkollave dhe çerdheve ekzistuese, si dhe ndërtimin e shkollave dhe çerdheve të reja.

Poashtu, Bejta premton shfrytëzim racional të mjeteve që ndahen nga minsitria e Arsimit,  për arsimtarët dhe transportin e nxënësve. 

“Sa i takon arsimit, duhet të jetë i pavarur, i depolitizuar dhe të ketë arsim cilësor. Paratë që vijnë nga fondi i ministrisë së Arsimit do të shfrytëzohen për ndërtimin e shkollave, rikonstruimin e shkollave dhe çerdheve.  Të gjitha paratë do të shfrytëzohen për mësimdhënësit dhe për transportin e nxënësve.” – është shprehur kandidati i VLEN për kryetar të Gostivarit, Nevzat Bejta.

Bejta njëherit ka fajsuar drejtuesit e mëparshëm të komunës së Gostivarit,  përfshi këtu kundër kandidatin e tij, se kanë bërë keqpërdorimin e mjeteve për transportin e nxënësve. (Naim Sinani, TVM2)