Shabani: Projektet do të realizohen bashkë me qytetarët

 

Me këtë rast, Shabani theksoi rëndësinë e komunikimit të drejtpërdrejtë me qytetarët dhe përfshirjen e tyre në proceset vendimmarrëse. 

 

“Zgjidhjet për komunën duhet të ndërtohen në bashkëpunim me banorët, duke u bazuar në nevojat reale të çdo vendbanimi. Programi im synon përmirësimin e infrastrukturës, shërbimeve komunale dhe krijimin e kushteve më të mira për jetesë në të gjitha vendbanimet e Komunës së Vrapçishtit.”, theksoi Shabani. 

 

Ai ka paralajmëruar vazhdimin e takimeve të tilla edhe në vendbanime të tjera, me qëllim prezantimin e ideve dhe dëgjimin e propozimeve nga ana e qytetarëve të Komunës së Vrapçishtit, lidhur me çështje konkrete të interesit lokal.