Mot i lig në Evropë, erëra të forta, reshje të dendura dhe stuhi

 

Në Francë rreth 380.000 familje kanë mbetur pa energji elektrike, kryesisht në rajonet e Normandisë dhe Bretanjës. Erërat kanë arritur shpejtësi deri në 150 km/orë në departamentin Mans, ndërsa në Barfleur është regjistruar një rekord prej 213 km/orë. Për shkak të kushteve ekstreme, kompania hekurudhore SNCF pezulloi shërbimet e trenave midis Parisit dhe Normandisë.

 

Në Britani, stuhia ka lënë pa energji elektrike 57.000 shtëpi, ndërsa sipas BBC-së, numri i familjeve pa furnizim ka arritur në 65.000, kryesisht në rajonin e Kornuollit. Qindra shkolla në Skoci dhe pjesë të Anglisë qendrore do të mbeten të mbyllura, ndërsa kompanitë hekurudhore kanë paralajmëruar qytetarët të shmangin udhëtimet.