Dy aeroportet shërbyen 3.5 milionë udhëtarë, rritje për 9%, krahasuar me vitin 2024

 

Aeroporti Ndërkombëtar i Shkupit dhe Aeroporti “Shën Apostul Pali” – Ohër, vitin e kaluar kanë shërbyer 3.5 milionë udhëtarë dhe 26.500 fluturime.

 

“Numri i udhëtarëve të transportuar përmes aeroporteve të Shkupit dhe të Ohrit në vitin 2025 është 3.475.288, që paraqet rritje prej 9 për qind krahasuar me vitin 2024, ndërsa tek fluturimet e shërbyera rritja vjetore është 4 për qind.”, informoi TAV - Maqedoni.

 

Në dhjetor të vitit 2025, statistika e koncesionierit tregon rritje dyshifrore të përqindjes së udhëtarëve të shërbyer në dy aeroporte prej 25 për qind në krahasim me dhjetorin e vitit 2024, një vit më parë ose përkthyer në shifra 294.781 udhëtarë. Në muajin e fundit të vitit të kaluar, janë realizuar 2.019 fluturime që është për 7 për qind më shumë, krahasuar me dhjetorin e vitit 2024.

 

Rritje stabile tregon edhe mesatarja ditore e udhëtarëve në vitin 2025. 

 

 

Stambolli, në të gjithë 12 muajt e vitit 2025, ishte destinacioni më i frekuentuar nga Aeroporti Ndërkombëtar i Shkupit në të dy aeroportet IGA dhe Sabiha Gokçe me pjesëmarrje në treg prej 16.6 për qind. Pas tij vijnë Bazel Milluz, Frankfurti, Cyrihu dhe Munihu – Memingen.

 

Nga Aeroporti Ndërkombëtar i Shkupit aktualisht fluturojnë gjithsej 15 linja ajrore drejt 49 destinacioneve, ndërsa nga Aeroporti “Shën Apostul Pali” – Ohër, tre linja ajrore fluturojnë në 7 destinacione.