Zelenski: Presion më i fortë ndaj Rusisë

Protestat antiqeveritare në Iran janë një shenjë e qartë se gjërat nuk do të bëhen më të lehta për Rusinë dhe është e rëndësishme që bota të mos e humbasë këtë moment, tha presidenti ukrainas. Volodimir Zelenski.

Ai gjithashtu preku situatën në Venezuelë dhe veprimet kundër cisternave të naftës të sanksionuara që valëvitin flamurin rus në Atlantikun e Veriut javën e kaluar. Ai bëri thirrje për masa më të ashpra kundër "flotës në hije" të Rusisë dhe skemave financiare që lejojnë anashkalimin e sanksioneve.

"Ne shohim se ka shumë mjete për të bllokuar ata që i shmangen sanksioneve ose mbështesin regjimet margjinale. Rusia duhet të fillojë të provojë të gjitha këto tani, nëse refuzon të ecë drejt paqes së vërtetë. Sidomos pasi rrethi i bashkëpunëtorëve të Rusisë po ngushtohet.”, - deklaroi presidenti i Ukrainës, Volodimir Zelenski.

Këshilli i Sigurimit i OKB-së diskutoi sulmet e vazhdueshme me raketa ruse që synojnë civilët ukrainas dhe infrastrukturën energjetike në kushtet e dimrit në vendin e shkatërruar nga lufta në një seancë emergjente. (Fitim Kryeziu, TVM2)