Rusia intensifikon sulmet/ Mijëra ukrainas pa energji elektrike

Forcat ruse kanë kryer sulme të reja në Ukrainë, duke goditur infrastrukturën e qytetit Kryvyi Rih dhe duke lënë rreth 45,000 banorë pa energji elektrike. Dronët ushtarakë Shahed shkaktuan ndërprerje të ngrohjes për 700 ndërtesa, ndërsa pompat e ujit u mbështetën në gjeneratorë emergjentë, duke ulur presionin e ujit në qytet.

 

Presidenti ukrainas Volodymyr Zelensky paralajmëroi për sulme të tjera masive dhe iu bëri thirrje qytetarëve të qëndrojnë vigjilentë. Ai theksoi se sulmet përfshijnë dronë dhe raketa me rreze mesme veprimi, të afta për të transportuar armë bërthamore.

 

Sipas Zelensky, situata mbetet e vështirë në të gjithë vendin, me problemet më të mëdha në frontin e luftës, ndërsa Ukraina përballet me pasojat e këtyre goditjeve.