Ekonomi, strategji për ndërmarrjet e vogla dhe të mesme

 

“Sot prezantuam strategji për ndërmarrjet e vogla dhe të mesme 2025/2030, me të cilën përcaktojmë drejtim të qartë për përforcimin e konkurrueshmërisë, inovacionit dhe qëndrueshmërisë së ndërmarrjeve të vogla dhe të mesme, si shtylla bartëse e ekonomisë së Maqedonisë së Veriut. Me strategjinë 2025/2030 krijojmë mjedis më të volitshëm dhe më të thjeshtë biznesi, qasje më të mirë deri tek financat dhe mbështetje më të fortë institucionale për inovacionet, transformimin digjital dhe tranzicionin e gjelbër.”, - deklaroi ministri i Ekonomisë, Besar Durmishi.

 

Sipas ministrit Durmishi, qëllimi i Ministrisë dhe i politikave shtetërore janë që ndërmarrjet e vogla dhe të mesme të bëhen më rezistuese ndaj goditjeve ekonomike, të rrisin potencialin e tyre eksportues dhe të pozicionohen në mënyrë më konkurruese në tregjet rajonale dhe atyre evropiane. 

 

“Ministria e Ekonomisë dhe e Punës do të koordinojë implementimin e strategjisë me partnerët dhe me të gjithë faktorët relevantë. Janë parashikuar mekanizma për monitorim dhe vlerësim të rregullt të progresit, me qëllim që masat të prodhojnë rezultate konkrete dhe të matshme në periudhën 2025/2030. Me këtë strategji dërgojmë porosi të qartë se shteti qëndron pas sipërmarrësve dhe bizneseve të vogla dhe të mesme.”, - theksoi ministri i Ekonomisë, Besar Durmishi.

 

I pranishëm në këtë prezantim të strategjisë ishte edhe ambasadori i Bashkimit Evropian, Mihalis Rokas, i cili theksoi mbështetjen financiare dhe teknike të BE-së, përmes planit të rritjes dhe fondeve IPA, rëndësinë e përafrimit me standardet e BE-së dhe qëllimin e përbashkët të integrimit në tregun e vendeve të BE-së.