Teatri nga Budapesti me "Ëndrra e një nate vere" si mysafir në "MNT Fest"
Në kuadër të Festivalit të dytë ndërkombëtar të teatrit "MNT Fest" sonte do të jetë mysafir Teatri kombëtar "Nemzeti Sinhaz" nga Budapesti me "Ëndrra e një nate vere" të Shekspirit në regji të David Dojashvilit nga Gjeorgjia...
"Shfaqja flet për lidhjen e pazakontë midis ëndrrës dhe realitetit. Shpesh luhet si një përrallë e lehtë dhe e gëzuar në të cilën gërshetohen elemente komike dhe seksualitet eksplicit. Të magjepsur nga dashuria dhe perënditë xhelozë, personazhet bredhin nëpër pyll, por në fund të gjithë e gjejnë partnerin e tyre. Sipas regjisorit Dojashvili, ky interpretim ka të bëjë vetëm me tekstin sipërfaqësor dhe nuk e përfshin rëndësinë më të thellë të dramës. Humori i ashpër dhe disponimi i mirë luajnë një rol të rëndësishëm në këtë shfaqje në Teatrin kombëtar të Hungarisë, por kjo vlen vetëm kur është e pranishme drama e ndjenjave të ndryshueshme, dëshirave dhe zhgënjimeve të ashtuquajtura ana e errët e njeriut", informon TPM-ja për shfaqjen.
David Dojashvili ka qenë regjisor i shfaqjeve edhe jashtë kufijve të Gjeorgjisë - "Ëndrra e një nate vere" e ka prezantuar edhe në Teatrin kombëtar mbretëror në Londër, ndërsa në Lids, Britani të Madhe, ka qenë regjisor i "Tundimi" nga Artur Miler.