Skandali “Ristov”, kërkohet arrest shtëpiak për gjykatësin Ristov

 

"Sot, prokurori publik përgjegjës nga Prokuroria për Ndjekjen e Krimit të Organizuar dhe Korrupsionit ka marrë në pyetje gjyqtarin e dyshuar dhe ia ka paraqitur provat e mbledhura, mbi bazën e të cilave mbështetet dyshimi i arsyeshëm se i ka kryer veprat për të cilat ngarkohet. Duke vlerësuar kushtet objektive që duhet të plotësohen për caktimin e një mase për sigurimin e pranisë, si dhe kushtet subjektive që e arsyetojnë atë, prokurori publik i ka dorëzuar gjyqtarit të procedurës paraprake pranë Gjykatës Themelore Penale Shkup propozim që ndaj të dyshuarit të caktohet masa e arrestit shtëpiak. Përveç kësaj mase, është propozuar edhe caktimi i një mase paraprake, konfiskimi i përkohshëm i pasaportës ose i ndonjë dokumenti tjetër për kalimin e kufirit shtetëror, përkatësisht ndalimi i lëshimit të tij.", thuhet në njoftimin e Prokurorisë për Ndjekjen e Krimit të Organizuar dhe Korrupsionit. 

 

Nga Gjykata Penale njoftojnë se deri më tani, gjyqtari Gjoko Ristov as nuk është sjellë para gjykatës dhe as nuk është paraqitur vullnetarisht, dhe e vetmja gjë që është paraqitur është propozimi nga prokuroria për caktimin e masave. Për momentin po presin njoftim zyrtar nga Këshilli Gjyqësor. 

 

 

Procedura në të cilën Këshilli Gjyqësor vendos të heqë imunitetin e një gjyqtari është urgjente dhe kryhet brenda tre ditëve nga kërkesa e paraqitur. Sipas Prokurorisë, bëhet fjalë për hetimin më të gjerë, për shkak të dyshimit për korrupsion të nivelit të lartë.