Përplasje politike, Filipçe: Qeveria bën defokus me afera të sajuara

 

“Kjo nuk është politikë, por defokus. Defokus nga gjendja katastrofale në vend, nga realiteti dhe problemet, dhe ky është qëllimi parësor i koalicionit të tenderëve VMRO-“E di”. Do të shpallin një tjetër trillim, përveç ndërtesës 42-katëshe në Dubai, ndonjë udhëtim në Dubai përmes Venedikut. Ndërkohë, në prapavijë kalon Ligji për të huajt, si hyrje drejt sjelljes së migrantëve, përkatësisht “punëtorëve ekonomikë”.”, - deklaroi kryetari i LSDM-së, Venko Filipçe. 

 

 

Nga VMRO-DPMNE reagojnë ndaj konferencës së Filipçes, duke thënë se LSDM vazhdon të prodhojë afera të sajuara për të mbuluar dështimet e veta dhe mungesën e mbështetjes nga qytetarëve, ndërkohë që vazhdojnë me akuza. Zaevi dhe Filipçe, sipas VMRO-DPMNE-së i kishin ofruar ndihmë për procedurë gjyqësore dr. Zhan Mitrevit, në këmbim të spitalit të tij.

 

“Pasi u ngrinë llogaritë personale të dr. Zhan Mitrevit, si dhe llogaria e spitalit me të njëjtin emër, atij iu pamundësua shitja e aksioneve të spitalit gjatë kohëzgjatjes së procedurës gjyqësore. Duke shfrytëzuar fuqinë e tyre politike si pushtet në shtet, ata ndërhynë që të hiqej ndalimi për shitjen e aksioneve të spitalit dhe i propozuan dr. Zhan Mitrevit t’ua shiste spitalin me çmim qesharak, ndërsa ata ta ndihmonin në procedurën gjyqësore.”, - u shpreh Brane Petrushevski nga VMRO-DPMNE.

 

Nga VMRO-DPMNE bëjnë thirrje që Prokuroria Publike të hetojë deklaratat e Zhan Mitrevit.