Tetovë, bora vështirësoi lëvizjen në zonën e Malësisë

 

“A nuk e shihni, a të verbër jeni? Nuk kam pa ekskavator, shihet se është pa pastruar, pa kripë.”, - tha një banor.

 

“Siç e shihni vetë, gjendja nuk është shumë mirë. Po, me zinxhirë jemi, pasi jemi duke i bartur nxënësit e shkollave. Po, tash ka kaluar. Besoj se do të bëhet mirë.”, - u shpreh një banor.

 

“Kripë nuk ka për momentin, kamioni ka kaluar, por siç duket kripë nuk ka.”, - tha një banor.

 

Nga komuna e Tetovës thonë se të gjitha rrugët janë të kalueshme, por në kushte dimri. Sipas tyre, ekipet për pastrim dhe mirëmbajtjen e rrugëve janë në terren.

 

“Nëpër rrugët e qytetit dhe të Malësisë ekipet janë terren dhe po punohet për pastrimin e borës dhe hedhjen e kripës. Bëjmë apel deri tek banorët e Malësisë mos të lëvizin pa pajisje dimërore.”, - u shpreh zëvendëskryetari i Komunës së Tetovës, Albi Qamili.

 

Ndërkohë, punëtorët e NPK-Tetovë, sot nga mëngjesi janë në terren për të pastruar trotuaret nëpër rrugët e qytetit dhe hapësirat publike në Tetovë.