“Safe City”, Qamili: Vendosja e sinjalistikës në proces

 

“Në fillim të këtij muaji menjëherë është hapur prokurimi publik për vendosjen e sinjalistikës ndriçuese, sinjalistikës vertikale pra të semaforëve dhe shenjave të komunikacionit. Është zgjedhur kompania dhe tani jemi në fazën e ankesave dhe besoj se nga fillimi i muaji të ardhshëm do të fillojë realizimi apo vendosja e shenjave ku do të vendosen edhe shenja të komunikacionit për matjen e shpejtësisë që korespondon me sistemin “Safe City” i cili pritet të hyjë në fuqi më 1 shkurt. Do të ketë edhe shenja paralajmëruese se ka kamera dhe krahas kësaj do të vendosen edhe semafor të rinj, ndërkaq, pjesë e këtij prokurimi publik janë edhe renovimet e semaforëve ekzistues.”, thotë zëvendëskryetari i Komunës së Tetovës, Albi Qamili.

 

 

Ekspertëve thonë se krahas vendosjes së shenjave të shpejtësisë para kamerave, do të duhet që të vendosen shenja edhe pas tyre. Pa vendosjen e sinjalistikës së nevojshme, dënimi i vozitësve nuk do të jetë legjitim thotë eksperti i komunikacionit Sulejman Rahimi.

 

“Po sigurisht se janë parakushte këto dhe mendoj se e kanë në dije se këto shenja vertikale që paralajmërojnë se ka kamera, duhet të jenë të vendosura me kufizim të shenjave. Kompetentët me siguri se e dinë më mirë, dhe këtë duhet ta ketë parasysh sektori për komunikacion i komunës së Tetovës që paralajmërojnë se afër ka kamera që kontrollojnë qarkullimin.”, u shpreh thotë eksperti i komunikacionit Sulejman Rahimi.

 

Përndryshe në bulevardin e “Ilindenit” pothuajse askund nuk ka shenjë se sa është shpejtësia maksimale e lejuar. Shenjat e këtilla mungojnë edhe përgjatë bulevardit “Vidoja Smilevski –Bato”. Ndërkohë, shenjat si ato vertikale dhe horizontale në rrugët e Tëtovas mezi i sheh, ndërsa vozitësit shpesh afër shkollave dhe objekteve fetare apo institucioneve, ku duhet të ketë shenja që ulin shpejtësinë e lëvizjes në 30 kilometra në orë, por këta shenja në qytetin e Tetovës thuajse nuk janë.

 

Ligji për “Safe City” u votua në Kuvendin, dhe pritet që nga 1 Shkurti të implemnetohet. Opozita nuk e votoi, por pozita arriti të bind deputet e Levicës, dhe deputetin e pavaru Ilir Demirin që këtë ligj ta përkrahin.