Botë
Bruksel, BE: themelimi i speciales nuk duhet të shtyhet
03.06.2015 12:23
Kosova duhet t’i përmbushë sa më shpejt obligimet që dalin nga letërkëmbimi i vitit të kaluar dhe ta themelojë Gjykatën Speciale, kanë thënë zyrtarë të Brukselit...
Ndryshe nga siç kanë deklaruar përfaqësues të Qeverisë së Kosovës, në Bruksel insistojnë se ndihma e tyre është ofruar me kohë për autoritetet dhe tani u takon vendësve ta finalizojnë këtë proces.
Të pyetur nga gazeta për shtyrjen e seancës javën e kaluar me arsyetimin se materialet kanë ardhur me vonesë nga Brukseli, nga zyra e shefes për politike të jashtme, Federica Mogherinit, kanë thënë se ata i kanë kryer me kohë të gjitha çështjet, shkruan sot “Koha Ditore”.
“Bashkimi Evropian e ka ofruar gjithë ndihmën e nevojshme dhe në kohë për autoritetet e Kosovës, sa i përket miratimit të amendamenteve kushtetuese dhe legjislacionin e nevojshëm”- ka thënë Maja Kocijançiq, zëdhënëse e Mogherinit.