Ministria e Punës dhe Politikës Sociale: 2 mijë fëmijë, pushim veror pa pagesë

Prej sot të interesuarit mund të dorëzojnë aplikimet tek qendrat për punë sociale.

 

Afati i fundit për aplikim është deri më datën 17 të këtij muaji.

 

“Këtë vit planifikojmë të përfshijmë 2 mijë fëmijë prej familjeve të rrezikuara sociale për pushim veror pa pagesë në Strugë, në periudhë prej 7 ditësh, gjegjësisht 6 pansione të plota. Për realizimin e këtij projekti, për këtë verë janë siguruar 8 milion denarë”- deklaroi ministri i Punës dhe Politikës Sociale, Dime Spasov.

 

Shërbimin mund ta shfrytëzojnë fëmijët nga familjet e rrezikuara sociale, fëmijët nga familjet që marrin asistencë sociale, fëmijët pa kujdes prindëror dhe fëmijët me aftësi të kufizuara nga klasa e pestë deri në të nëntën, theksoi Spasov. 

 

Sipas tij, me aktivitete të tilla do të vazhdohet edhe në të ardhmen, duke i përkrahur materialisht familjet në nevojë, me qëllim që edhe ata të kenë një jetë më të mirë.