Maqedoni
MPB me kontrolle në Shkup dhe Strumicë
05.02.2026 09:09
Mbrëmë janë kryer kontrolle në disa lokacione në Shkup dhe Strumicë, lidhur me lëndë narkotike.
Prokuroria për Ndjekjen e Krimit të Organizuar dhe Korrupsionit, në aksion të koordinuar me policinë, mbrëmë ka kryer kontrolle në disa lokacione në Shkup dhe Strumicë, lidhur me lëndë narkotike. Sipas informacioneve, në aksion kanë qenë të përfshira disa institucione dhe ai ka qenë i drejtuar ndaj rrjetit të të ashtuquajturve prodhues “legalë” të kanabisit. Megjithatë, detaje shtesë janë paralajmëruar gjatë ditës së sotme.
Policia serbe javën e kaluar konfiskoi pesë tonë marihuanë pranë Krushevcit, ndërsa droga ishte transportuar nga Maqedonia. Nga Prokuroria Publike për Krim të Organizuar e Serbisë njoftuan se të arrestuarit janë anëtarë të një grupi kriminal të organizuar. Prokuroria Publike e Maqedonisë ka hapur lëndë për këtë rast.
Nga MPB njoftuan se po ndërmerren masa dhe aktivitete operative-teknike përkatëse, në përputhje me autorizimet policore.