Maqedoni
Kandidaturat për prokuror publik të shtetit ende nuk kanë arritur në Këshillin e Prokurorëve
05.02.2026 13:53
Këshilli i Prokurorëve Publikë ende nuk i ka marrë kandidaturat e pesë kandidatëve për pozicionin prokurorit publik shtetëror...
Këshilli i Prokurorëve Publikë ende nuk i ka marrë kandidaturat e pesë kandidatëve për pozicionin prokurorit publik shtetëror, të cilët aplikuan për vendin e lirë të shpallur nga Parlamenti. Qeveria ditë më parë njoftoi se në një seancë është arritur një përfundim në lidhje me kandidatët dhe se ai do t'i dërgohet Këshillit të Prokurorëve Publikë, i cili duhet të deklarohet brenda 15 ditëve. Kryetari i Këshillit të Prokurorëve Publikë, Bashkim Besimi, deklaroi se do të veprojnë brenda afatit ligjor dhe do t'i japin një mendim Qeverisë, por pasi të kenë marrë dhe shqyrtuar kandidaturat. Ai shtoi se ata janë të njohur për publikun.
"Deri në këtë pikë, propozimi me kandidatët e regjistruar për shpalljen nuk ka mbërritur ende. Kur të arrijë, do të japim një përgjigje në lidhje me kandidatët brenda 15 ditëve. Në parim i njohim të gjithë kandidatët që janë regjistruar, do t'i shqyrtojmë, do të vendosim në një seancë dhe do ta njoftojmë Qeverinë brenda afatit ligjor.", - deklaroi kryetari i Këshillit të Prokurorëve Publikë, Bashkim Besimi.
I pyetur nëse pret që Parlamenti ta dëgjojë Këshillin e Prokurorëve Publikë, Besimi sqaroi se në përputhje me Ligjin për Prokurorinë Publike, ata ia dërgojnë mendimin e tyre në lidhje me kandidatët Qeverisë, dhe më pas, pasi të përcaktojë një kandidat, ia paraqet propozimin Parlamentit për përzgjedhje.
"Ne mund të nominojmë dy ose tre ose një, por Qeveria është ajo që ia bën propozimin Kuvendit. Nëse ne në praktikë japim mendim pozitiv për tre kandidatë, Qeveria do t'ia nominojë një kandidat Kuvendit.”, - theksoi kryetari i Këshillit të Prokurorëve Publikë, Bashkim Besimi.
“Nëse Këshilli i Prokurorëve jep mendim negativ, atëherë Qeveria nuk mund të nominojë një kandidat në Kuvend.", tha kryetari i Këshillit të Prokurorëve Publikë.
FITIM KRYEZIU