Siljanovska Davkova dhe presidenti i EAB-së diskutojnë bashkëpunimin ekonomik

 

Në fokus të bisedës, siç njofton kabineti i Siljanovska Davkovës kanë qenë perspektivat për thellimin e bashkëpunimit dypalësh, ndërsa është theksuar nevoja për përmirësimin e kornizës ligjore. Siljanovska Davkova theksoi interesin nga ana e Maqedonisë së Veriut për thellimin e bashkëpunimit përmes iniciativave të përbashkëta për dialog ndërkulturor dhe promovimin e vlerave të përbashkëta qytetëruese.

 

 

Ndërkohë edhe kreu i Kuvendit, Afrim Gashi, në kuadër të vizitës së punës në Uashington u takua me Daniel Xh. Loton, zëvendësndihmës sekretar në Byronë për Çështje Evropiane dhe Evroaziatike të Departamentit të Shtetit të ShBA-së.

 

“Në këtë takim u riafirmua partneriteti i palëkundur ndërmjet dy vendeve, i ndërtuar mbi vlera të përbashkëta demokratike, angazhimin për sundimin e ligjit, luftën kundër korrupsionit, si dhe përkushtimin për paqe dhe stabilitet ndërkombëtar. Kryetari Gashi informoi mbi përpjekjet e vazhdueshme për integrim të plotë në Bashkimin Evropian dhe shprehu mirënjohje për mbështetjen e vazhdueshme të ShBA-së në procesin e reformave.”, bëhet e ditur në kumtesë.