Delegacionet nga ShBA - Iran në Oman

 

ShBA-ja po dërgon të dërguarin e tyre për Lindjen e Mesme, Stiv Uitkof, në samitin e Muskatit, ku ai do të takohet me ministrin e Jashtëm të Teheranit, Abbs Araqci. Kjo vjen mes një forcimi të vazhdueshëm të forcave detare amerikane pranë Iranit, të cilin zoti Tramp e ka përshkruar si një “armadë”. Ai ka kërcënuar vazhdimisht të ndërmarrë veprime ushtarake që kur regjimi iranian nisi një shtypje të përgjakshme kundër protestuesve që dolën në rrugët e qyteteve anembanë vendit muajin e kaluar.

 

Ndërsa retorika e tij është ftohur disi nga kulmi i saj bombastik, Shtëpia e Bardhë ka pohuar se presidenti mbetet i gatshëm të heqë dorë nga diplomacia. Sekretarja e tij e shtypit, Karolin Leavit, deklaroi ditë më parë: “Ndërsa këto negociata po zhvillohen, do t’i kujtoja regjimit iranian se presidenti ka shumë mundësi në dispozicion, përveç diplomacisë si komandant i përgjithshëm i ushtrisë më të fuqishme në historinë e botës.”.