Ukrainë, sulme ruse ndaj infrastrukturës energjetike

 

 

“Komponenta e mbrojtjes ajrore, sidomos ajo kundër dronëve, duhet të funksionojë më fuqishëm dhe të tejkalojë problemet ekzistuese. Në disa zona linjat mbrojtëse janë ndërtuar më mirë, ndërsa në të tjera ende ka punë për t’u bërë”, deklaroi presidenti i Ukrainës, Volodimir Zelenski.  

 

 

Edhe autoritetet ruse njoftuan për ndërprerje të energjisë elektrike pas sulmeve ukrainase në territorin rus.         

 

“Edhe një granatim tjetër në Belgorod. Ndërprerjet e energjisë elektrike po përhapen në qytet dhe në zonat përreth. Fatmirësisht, temperaturat nuk janë shum të ulkëta dhe sillen nga minus një deri në minus tre gradë, por edhe kështu, moti i ftohtë paraqet një kërcënim serioz për jetesën e banorëve të rajonit kufitar”, u shpreh guvernatori i Belgorodit, Vjaçesllav Glatkov.                      

 

Për shkak të granatimeve pran kufirit me poloninë, dy aeroporte në juglindje të Polonisë janë mbyllur përkohësisht, njoftoi Komanda Operative e Forcave të Armatosura polake. Komisioni Evropian nga ana tjetër ka propozuar paketën e 20-të të sanksioneve kundër Rusisë, të fokusuara në sektorin energjetik, shërbimet financiare dhe tregtinë. 

 

“Mendoj se kompanitë e mëdha energjetike ruse duhet të sanksionohen më ashpër. Po ashtu, duhet shqyrtuar edhe mundësia e sanksioneve dytësore, për të ushtruar presion më të madh ndaj vendeve që vazhdojnë të blejnë sasi të mëdha gazi dhe nafte ruse”, theksoi eurodeputeti Sven Mikser. 

 

Pa marr parasyshë luftimet, presidenti ukrainas Zelenski dhe kabineti i presidentit rus Putin, kanë bërë të ditur se pritet një raund i ri bisedimesh mes Kievit dhe Moskës, me ndërmjetësimin e Shteteve të Bashkuara të Amerikës.