Ukrainë, Rusia sulmon objektet energjetike

 

“Ky është një nivel sulmi që asnjë terrorist në botë nuk ia ka lejuar vetes, dhe Rusia duhet ta ndiejë përgjigjen e gjithë botës, të gjithë atyre që vërtet kujdesen për sigurinë. Rusia duhet të tregojë se jo vetëm sulme të tilla dhe vetë lufta janë të rëndësishme për të, por edhe negociatat që po zhvillohen dhe që duhet të japin rezultate”, deklaroi president i Ukrainës, Volodimir Zelenski.

 

 

Ndërkohë autoritetet ruse njoftuan se kanë arrestuar tre të dyshuar për tentatim atentati ndaj një gjenerali të inteligjencës ushtarake në një ndërtesë banimi në Moskë. Shefi i diplomacisë ruse, Sergej Lavrov, e akuzoi Ukrainën se qëndron pas sulmit, për të cilin tha se kishte për qëllim sabotimin e bisedimeve për paqe. Kievi i ka mohuar pretendimet e tilla ruse. Hetimet për rastin vazhdojnë.

 

“Hetuesit kryen një inspektim të detajuar në vendin e ngjarjes, gjatë të cilit zbuluan armë për vrasjes, pistoletë Makarov dhe tre fishekë municioni. Janë urdhëruar më shumë se 15 ekspertiza forenzike, përfshirë prova gjenetike, fizike dhe kimike, ndërsa po zhvillohen edhe teste të tjera për rrethanat dhe kërkimin e autorëve të krimit”, theksoi zëdhënësja e Komitetit Hetimor të Rusisë, Svetlana Petrenko.

 

Bisedimet  për paqë pritet të vazhdojnë brenda një jave në Majami. Shtetet e Bashkuara dëshirojnë zgjidhje për përfundimin e luftës në Ukrainë para verës, kur fillon Kampionati Botëror i Futbollit.