Specialja: Liron Shalën, Smakën dhe Fazliun

 

Bashkim Smakaj dhe Fadil Fazliu kanë ofruar edhe dorëzani një shumë të konsiderueshme parash për lirimin e tyre me kusht, sipas vendimeve të publikuara nga Dhomat e Specializuara.

 

Smakaj ka ofruar një shumë prej 50 mijë eurosh dorëzani, 20 mijë prej të cilave do të sigurohet nga familja, ndërsa pjesa tjetër nga dikush tjetër, por që identiteti i tij është i redaktuar për publikun.

 

Ndërkaq, Fazliu ka ofruar garanci prej 40 mijë eurosh që janë ofruar nga dikush që po ashtu identiteti i tij është redaktuar për publikun. Dhomat e Specializuara në Hagë kanë njoftuar sot se Bashkim Smakaj dhe Fadil Fazliu u liruan me kusht në Kosovë.

 

Në vendimet e tij të 3 shkurtit 2026, Gjykatësi konstatoi se rrethanat kishin ndryshuar që prej rishikimit të paraburgimit të Smakajt dhe Fazliut në dhjetor 2025 dhe se mbajtja e tyre në paraburgim nuk ishte më e arsyeshme apo proporcionale. Po ashtu, Specialja liroi me kusht edhe Haxhi Shalën.