Beograd, u arrestua shtetasi i RMV-së, Sait Saitov

 

 

“Ditën e djeshme, nga autoritetet kompetente serbe jemi informuar se në Beograd është privuar nga liria Sait Saitov nga Shkupi, i cili ishte në kërkim me fletarrest ndërkombëtar nga ana e MPB-së së Maqedonisë, për shkak të veprës penale kundër sigurisë në trafikun rrugor dhe mosdhënies së ndihmës një personi të lënduar, vepër kjo e cila ka ndodhur në Shkup më 9 janar të këtij viti.”, - theksoi zëdhënësi i MPB-së, Goce Andreevski. 

 

Avokati Zvonko Davidoviq, i kushërinjve të Saitovit, të cilët akuzohen për ndihmë gjatë arratisjes së tij deri në Vranje, thotë se klientët e tij nuk e kanë ditur se ka bërë vepër penale. Ai nuk e konteston faktin se të dytë kanë qenë bashkë me Saitovin në momentin kur kanë kaluar kufirin, por sipas avokatit, i kontestuar është fakti se ata nuk e kanë ditur se Saitovi ndiqet penalisht.

 

Nga Ministria e Drejtësisë konfirmohet se ndaj Saitov në paraburgim ekstradicional është iniciuar procedurë nga Ministria e Drejtësisë e Serbisë për ekstradimin e tij në Maqedoni.