Dëme të mëdha nga reshjet, përmbyten disa fshatra në komunën Saraj

 

“Qysh herët në mëngjes jemi në terren së bashku me ekipet përgjegjëse të shtetit. Shtabi i Krizës në kuadër të komunës ka mbajtur mbledhje dhe komisionet kanë dalë për të vlerësuar dëmet që iu janë shkaktuar banorëve.”, u shpreh kryetari i komunës së Sarajit, Muhamed Elmazi.

 

Zëvendës kryeministri i parë, Bekim Sali, nëpërmjet një kumtese njoftoi se është formuar Shtabi i Krizës dhe po menaxhohet situata në terren:

 

“Qeveria e Republikës së Maqedonisë së Veriut që nga orët e mëngjesit është në koordinim të vazhdueshëm dhe ka aktivizuar të gjitha institucionet përkatëse. Po bëhet pastrimi i rrugëve dhe kanaleve, ndërsa disa familje janë evakuuar për arsye sigurie.”, shkruan zëvendës kryeministri i parë, Bekim Sali.

 

Edhe lagjet periferike të Shkupit nuk janë kursyer – në Idrrizov, Zelenikovo dhe Radishan janë raportuar oborre dhe bodrume të përmbytura, ndërsa njerëzit shihnin si u shkatërrohej pasuria. Ekipet e shpëtimit po punojnë intensivisht për të riparuar dëmet dhe për të stabilizuar situatën.