Përfundoi vlerësimi për kryeprokurorin, 4 kandidatë morën mendim pozitiv

 

Nëntë anëtarë të Këshillit të Prokurorëve Publikë vlerësuan se Lidija Raiçeviq duhet të zgjidhet prokurore publike republikane dhe i dhanë vlerësim pozitiv, ndërsa kundër ishte vetëm anëtarja Keti Petkova. Mbështetje unanime mori Lençe Ristovska, për të cilën të dhjetë anëtarët votuan “për”, duke dhënë mendim pozitiv. Vlerësim pozitiv nga të gjithë dhjetë anëtarët mori edhe gjyqtari nga Gjykata Penale e Shkupit, Nenad Savevski. Mendim pozitiv më herët mori edhe ushtruesja e detyrës së prokurores shtetërore, Anita Topolova Isajllovska. Për zgjedhjen e prokurorit të ri shtetëror nevojiten të paktën 61 vota nga deputetët.