Këshilli i Bashkimit Evropian ka shtuar zyrtarisht në listë Trupat e Gardës Revolucionare Islamike

Autoritetet meksikane kanë sekuestruar një nëndetëse që transportonte pothuajse katër tonë kokainë në Oqeanin Paqësor, pranë brigjeve perëndimore të vendit, në një operacion të madh kundër trafikut të drogës.

Lajmi u bë i ditur nga ministri i Sigurisë dhe Mbrojtjes së Qytetarëve, Omar García Harfus, i cili theksoi se operacionet detare gjatë javës së fundit kanë çuar në sekuestrimin e pothuajse 10 tonëve kokainë në total. Sipas tij, kjo përbën një goditje financiare prej miliona dollarësh ndaj rrjeteve të krimit të organizuar dhe ndalon shpërndarjen e miliona dozave droge në treg.

Operacioni u realizua nga Marina Meksikane, e cila gjithashtu arrestoi tre persona gjatë aksionit. Ministri deklaroi se aksioni synon jo vetëm konfiskimin e drogës, por edhe dobësimin e strukturave financiare të kartelëve.

Autoritetet meksikane kanë intensifikuar kontrollet detare muajt e fundit, pasi trafiku i kokainës përmes rrugëve oqeanike konsiderohet një nga metodat kryesore të transportit të narkotikëve drejt tregjeve ndërkombëtare.