Tetovë, alarm i rremë për bombë në disa shkolla

 

Ndërkaq, nga Sektori i Arsimit me një komunikatë me shkrim kanë theksuar se shkollat janë kontrolluar nga zyrtarët policorë të SPB-Tetovës, ndërsa të gjithë nxënësit dhe punonjësit janë evakuuar dhe kanë lëshuar hapësirat shkollore. Sipas tyre, e-maili i dërguar është tek SPB-Tetova, e jo tek e-mailet zyrtare të shkollave. 

 

“Denoncimet për bombë janë dorëzuar në Sektorin e Punëve të Brendshme, gjegjësisht nuk janë dërguar në adresat e e-mailit të shkollave, siç ndodhte në të kaluarën. Shkollat kanë dorëzuar shkresë me shkrim deri te SPB-ja, me qëllim që të informohen lidhur me gjendjen dhe hapat që duhen ndërmarrë më tej. Në aspektin e sigurisë, institucionet kompetente po ndërmarrin të gjitha masat e nevojshme për të garantuar sigurinë e nxënësve dhe punonjësve, ndërsa gjendja ndiqet vazhdimisht në koordinim me organet e rendit.”, është shprehur përmes një komunikate udhëheqësi i arsimit në Komunën e Tetovës, Validin Ademi.

 

Deri më tani institucionet nuk kanë qenë në gjendje që të lokalizojnë dhe arrestojnë dërguesin misterioz të këtyre e-maileve, që përveç panikut, po i pengon nxënësit edhe në procesin arsimor, ndërsa alarmet e rrejshme sa vijnë e shtohen në shkollat e Tetovës.