Arresti shtëpiak i Grubit, LSDM: A janë përzier shërbimet e huaja apo serbe?

 

“Tani dalin informacione se shërbime të huaja janë paraqitur dhe kjo para një viti dhe se vlerësimi i sigurisë aspak s’është bërë nga Agjencia Kombëtare e Sigurisë dhe Ministria e Punëve të Brendshme. Tani nuk tregojnë se kush, nëse shërbimi serb apo shërbimi i huaj. Nëse nuk ka vlerësim të Agjencisë Kombëtare për Siguri dhe MPB-së, si¬ç thotë Mickoski, se kjo ka qenë e klasifikuar. Apo gënjeshtrat e tij ka filluar t’i trajtojë si të kualifikuar?”, - deklaroi Bogdanka Kuzeska nga LSDM.

 

 

VMRO insiston në mendimin se arresti i Grubit vazhdon të mbajë në panik pjesëtarë të LSD-së për faktin se çfarë mund të dëshmojë i dyshuari gjatë procedurave ligjore të mëtejme. 

 

“A din Grubi aq shumë sa që disa funksionarë do të ishin të gatshëm të viktimizohen? A ka shtypur klanin Zaev tastatura e panikut në LSM? A është frika aq e madhe tek Zoran Zaevi dhe për këtë arsye LSD-ja dhe Filipçe në krye janë rreshtuar në mbrojtje? Për këtë arsye Spasovski, Filipçe dhe Zeqeviq qartë shihen të shqetësuar. Për krimin, në fund ka vetëm një përgjigje, e kjo është, drejtësia.”,  - theksoi Brane Petrusheski nga VMRO.

 

Ndërkohë, gjersa Prokuroria po bën punën e vet, ish-zëvendëskryeministri i parë, Grubi, vazhdon të vuajë masën e arrestit shtëpiak prej 30 ditësh dhe masë shtesë për sigurim të prezencës kundër të dyshuarit, vendim i marrë nga gjykatësi i procedurës paraprake.