Tronditen tregjet globale nga lufta në Iran

Tregjet financiare ndërkombëtare pësuan rënie të mëtejshme pavarësisht ofertës së presidentit amerikan Donald Trump për të vendosur marinën amerikane në shoqërimin e cisternave të naftës në ngushticën e Hormuzit.

Presioni u ndje veçanërisht në tregjet aziatike. Në Seul, tregtimi u pezullua përkohësisht pasi indeksi referencë i Koresë së Jugut, KOSPI, ra deri në 11.3%, përpara se të rikuperohej pjesërisht duke u mbyllur me një rënie prej 7.7%.

Ndërkohë, në Tokio, indeksi japonez Nikei 225 shënoi një rënie prej 3.9%, duke reflektuar shqetësimin e investitorëve për pasojat ekonomike të përshkallëzimit të tensioneve në rajon.

Analistët paralajmërojnë se nëse situata në ngushticën e Hormuzit vijon të mbetet e paqëndrueshme, tregjet globale mund të përballen me luhatje të forta edhe në ditët në vijim.