Dita botërore e obezitetit, rritet numri i fëmijëve mbipeshë

 

“Vendi ynë është shtet obezogjen ne e quajmë për arsye se kemi diku mbi 60 përqind njerëz që janë ose me mbipeshë ose obez të trashë. Kemi një prevalencë jashtëzakonisht të madhe, parashikimet janë që numri i personave obez të rritet prandaj duhet të merren masa për parandalimin e obezitetit si tek të rriturit ashtu edhe te fëmijët dhe të rinjtë sepse obeziteti është sëmundje kronike… sëmundje kronike e cila jep shumë komplikacione shumë sëmundje tjera ku shkaktar është obezitetit.”, u shpreh drejtori i Klinikës së Endokrinologjisë, Irfan Ahmeti.

 

“Një propozim i ri është të futet një taksë mbi sheqerin ose një taksë mbi pijet e ëmbëlsuara, që do të thotë se këto pije do t'i nënshtrohen një takse shtesë bazuar në sasinë e sheqerit në pije.”, u shpreh Drejtori i FSSH-së, Sasho Klekovski.

 

“Sipas statistikave tona, numri i personave me obezitet është i lartë që domethën problem në shëndetin publik. 6 nga 10 persona të rritur janë me obezitet ose kanë mbipeshë. Shqetësuese është se po rritet numri i fëmijëve që kanë mbipeshë. 1 nga 3 fëmijë kanë problem me peshën.”, u shpreh Akim Ali nga OBSH.

 

Sipas të dhënave nga ISHP fëmijët nga mosha 6-deri në 9 vjeç kanë probleme me peshën dhe 32 përqind prej tyre kanë mbipeshë ndërsa 13.7 përqind e fëmijëve jetojnë me obezitet, që është mbi mesataren evropiane. Mbipesha dhe obeziteti janë më të zakonshme tek djemtë sesa tek vajzat.