Hetim për tentim-vrasje dhe rrezikim të sigurisë së bashkëshortes

 

Më 1 mars, në shtëpinë familjare dhe në prani të një personi tjetër, gjatë ushtrimit të dhunës në familje, ai me dashje ka tentuar ta privojë nga jeta bashkëshorten e tij. Ai ka nxjerrë një pistoletë që e posedonte me leje, e ka përgatitur për qitje dhe ka shkrepur një plumb, i cili ka kaluar pranë të dëmtuarës, është përplasur në parket dhe ka përfunduar në dritare. Më pas ka zbritur në katin e poshtëm dhe u ka thënë dy vajzave se kishte qëlluar drejt nënës së tyre. Ato së bashku me të dëmtuarën janë larguar nga shtëpia.

 

Më 5 mars, i dyshuari përsëri, para dy fëmijëve, i është kërcënuar bashkëshortes me pistoletë me qëllim që t’i shqetësojë dhe t’i frikësojë.

 

Prokurori publik te gjyqtari i procedurës paraprake në Gjykata Themelore Penale Shkup ka dorëzuar propozim për caktimin e masës së paraburgimit për të dyshuarin, pasi ekziston rrezik për arratisje, mundësi për ndikim mbi dëshmitarët dhe procedurën, si dhe rrezik që ai ta përfundojë veprën e vrasjes që ka tentuar ta kryejë.